अमेरिका

मेक्सिकोसँगको सीमामा बनाइने पर्खालको नमूना तयार पार्न चार कम्पनी छनोट

अमेरिकी राष्ट्रपति डोनाल्ड ट्रम्पले मेक्सिकोसँगको सीमामा पर्खाल बनाउन गरेको बाचा पूरा गर्न चार कम्पनीलाई पर्खालको नमूना बनाउन छानिएको छ ।

यी चार कम्पनीले बनाउने पर्खालको नमूनाको उचाइ ३० फिट हुनुका साथै लम्बाइ पनि ३० फिट नै हुनेछ । नमूना केही महिनामै तयार हुने अमेरिकी कष्टम एण्ड बोर्डर प्रोटेक्सनले जनाएको छ ।

पर्खालको नमूना तयार भएपछि अमेरिकी अधिकारीहरुले करीब दुई महिनासम्म पर्खालको मजबुतीकरणको परीक्षण गर्नेछन् । यसका लागि ती चार कम्पनीलाई पाँच लाख डलरका दरले भुक्तानी दिइने जनाइएको छ ।

अलाबामा, एरिजोना, टेक्सस र मिसिसिपीको कम्पनीलाई छनौट गरिएको अमेरिकी सीमा गस्तीका प्रमुख तथा डेपुटी कमिस्नर रोनाल्डो भिटीएलोले जानकारी दिए । नमूना पर्खाल स्यान्डियागो क्यालिफोर्नियामा बनाइने छ ।

Post Comment

This site uses Akismet to reduce spam. Learn how your comment data is processed.