अमेरिका

सगरमाथाका आरोही रोहित श्रेष्ठलाई कोलोराडोमा भब्य सम्मान

जुन २३ , २०१९
कोलोराडो

विश्वको सर्वोच्च शिखर सगरमाथाको आरोहण गर्न सफल, कोलोराडो निवासी रोहित श्रेष्ठलाई भब्य सम्मान गरिएको छ ।

श्रेष्ठले गत मे १६ तारिकका दिन सगरमाथाको सफल आरोहण गरी कोलोराडोमा नेपाल र नेपालीको शिर  उच्च राख्न सफल भएको भन्दै यहा सकृय लङमन्ट हिमालयज् लायन्स क्लवको आयोजनामा आईतबार एक समारोहका बिच सम्मान गरिएको हो ।
लङमन्ट स्थित फायरहाउस आर्ट सेन्टरमा सम्पन्न भएको कार्यक्रकमा  कोलोराडोमा सकृय संघ संस्थाका प्रतिनिधी, बुिद्धजिवी, व्यवसाही, कलाकार, पत्रकार, समाजसेवी, तथा सर्ब साधारणको बाक्लो उपस्थिती  रहेको थियो ।

यसरी उपस्थित हुने संघ संस्थाका पदाधिकारीहरुमा नेपाली घरका अध्यक्ष लक्षुमण राना, संखुवासभा समाजका अध्यक्ष शान्ति श्रेष्ठ, ब्लड डोनर्स अफ अमेरीका कोलोराडो च्याप्टर संयोजक श्रीराम लुईटेल, ब्लड डोनर्स अफ अमेरीका माउण्टेन रिजन क्षेत्रीय संयोजक भुषणलाल श्रेष्ठ, नेःवाखलका अध्यक्ष प्रेमकाजी श्रेष्ठ,  लायन्सका ६ नर्थ ईष्टका डिष्ट्रिक गर्भनर मिसायल गिल, ग्लोवल मेम्वर सिप चेयर तथा पूर्व डिष्ट्रिक गर्भनर केननोर गिल, पाष्ट ईन्टरनेशनल डिरेक्टर केन सोल, ६ नर्थ ईष्टका द्धितिय उपाध्यक्ष जोशन श्रेष्ठ, ६ नर्थ ईष्टका जोन चेयर पर्शन प्रमोद श्रेष्ठ लायन्स क्याम्प फाउन्डेसन मेम्बर तथा आयोजक संस्थाका अध्यक्ष विकल पराजुली, अरोरा लायन्स क्लवका अध्यक्ष कपिलदेव सुवेदी लगायत अन्य पदाधिकारी र श्रेष्ठका परिवारको उपस्थिती रहेको थियो ।

कार्यक्रममा लायन्सका ६ नर्थ ईष्टका डिष्ट्रिक गर्भनर मिसायल गिल, ग्लोवल मेम्वर सिप चेयर तथा पूर्व डिष्ट्रिक गर्भनर केननोर गिल, पाष्ट ईन्टरनेशनल डिरेक्टर केन सोल, अध्यक्ष विकल पराजुली लगायतका व्यक्तीहरुले आरोही श्रेष्ठलाई सम्मान पत्र प्रदानगरी खादा पहिराई सम्मान गरेका थिए ।

सम्मान पछि श्रेष्ठले सगरमाथा आरोहण गर्दाको अनुभव सुनाउदै, अमेरीकामा नेपालबाट आएको भनेपछि धेरैले सगरमाथा चढेको छस् भनेर प्रश्न सोध्ने गरेकोले, त्यसैबाट आफुलाई एक दिन सफल आरोहण गरेर देखाउने प्रेरणा मिलको बताए । त्यो लक्ष्य यस बर्ष पुरा गर्न सकेकोमा प्रत्यक्ष अप्रत्यक्ष रुपमा सहयोग गर्ने सबैलाई धन्यवाद दिए । उनले कर्मथलोमा यसरी सम्मानीत हून पाउदा ज्यादै खुसीलागेको भन्दै आयोजक संस्था प्रति आभार ब्याक्त गरे । कार्यक्रममा सहभागीहरुले उनीसंग सगरमाथामा भएको प्रदुषण, लाग्ने खर्च, लाग्ने समय लगायतका जिज्ञासा राखेका थिए ।

कार्यक्रमको अन्त्यमा उपस्थित सबैलाई धन्यवाद दिदै संस्थाका अध्यक्ष विकल पराजुलीले नेपाल र नेपालीको शिर उच्चराख्न सफल रोहितलाई सम्मान गर्न पाउदा खुसी लागेको बताए ।

Post Comment

This site uses Akismet to reduce spam. Learn how your comment data is processed.