मनोरन्जन

बुसान अन्तराष्ट्रिय फिल्म सभामा नेपाली फिल्मको चर्चा

९,कार्तिक | दक्षिण कोरियाको पर्यटकीय नगरी बुसानमा सम्पन्न एसियन फिल्म कमिसन नेटवर्क (एएफसी नेट)को तेस्रो साधारण सभामा नेपालले सहभागिता जनाएको छ । उक्त सभामा नेपालको प्रतिनिधित्व गर्दै चलचित्र विकास बोर्डका सदस्यहरु उत्तम केसी र अशोकप्यासी राई त्यहा गएका थिए।

विश्व भरका विभिन्न देशले उक्त सभामा सभागिता गरेको थियो, जाहा नेपाली सिनेमाको बारेमा समेत चर्चा भयो । एएफसी एसियाली मुलुकका सिनेमा बन्ने देशहरुको प्रतिनिधी एवं व्यावसायीक संघ संस्थाको साझा संगठन हो जसमा १८ मुलुकका रेगुलर र एसोसिएट गरी ५८ संघसंस्था सदस्य रहेका छन् ।

सभामा कोरियाका चोइ युन एएफसी नेटको अध्यक्षमा चयन भए । चयन पछि युनले भने ‘२१ औं शताब्दीमा चलचित्र एउटा सांस्कृतीक उद्योगका रुपमा स्थापीत भएको छ, जसले संसारलाई जोड्ने सामथ्र्य राख्दछ’ । सो अवसरमा ‘सिने विज एसिया’ सेसनअन्तर्गत अन्तरदेसीय व्यावसायीक साझेदारी, सम्भावित लगानीकर्ता, सहनिर्माण, विदेशमा छायांकनस्थलको खोजी लगायतका विभिन्न विषयमा छलफल भएको नेपालबाट सहभागी केसी र राईले जानकारी दिएका छन् ।

कार्यक्रममा बुसान फिल्म कमिसनले लञ्च गरेको ‘लिंक अफ सिने एसिया’को बारे चर्चा समेत भयो । विश्वमा फिल्म निर्माणमा देखिएको परिवर्तित शैली र प्रविधीलाई आत्मासाथ गर्ने उदेश्यका साथ स्थापना भएको पहिलो सभामै १४ देशका ८५ भन्दा बढी सिनेकर्मीको सहभागीतमा सम्पन्न भएको थियो।

Post Comment

This site uses Akismet to reduce spam. Learn how your comment data is processed.