खेल

च्याम्पियन्स लिग : लिभरपुल र बार्सिलोनाको प्रतिस्पर्धा

लिभरपुलका प्रशिक्षक जर्गेन क्लपले भनेका छन् कि च्याम्पियन्स लिग सेमिफाइनल पहिलो लेगमा उनको टोली कमजोर छ । तर, उनीहरुलाई पहिलो लेगमा अग्रता हासिल गरी सहज अवस्थामा पुग्ने अवसर पनि हुनेछ ।

लिभरपुलले बुधबार राति पौने १ बजेदेखि बार्सिलोनाको घरेलु मैदान नाउ क्याम्पमा पहिलो लेगमा प्रतिस्पर्धा गर्दैछ । ‘हामी उत्कृष्ट छैनौँ, हामीले गल्ती गर्छौँ र पराजित हुन सक्छौंँ । हामीसँग अवसर पनि छ । यसको हामी भरपूर प्रयोग गर्ने प्रयास गर्नेछौं,’ प्रशिक्षक क्लपले भने ।

गत सिजन लिभरपुललाई फाइनलमा पुर्याएका प्रशिक्षक क्लपले भने, ‘हामी आफ्नो खेल खेल्नका लागि पूर्ण स्वतन्त्र छौँ। बार्सिलोना निकै नै सानदार टोली हो । हामी गएको सिजन उपाधि नजिक पुगेका थियौं । उनीहरु पछिल्लो २० वर्षदेखि सफल भइरहेका छन् । त्यसैले म यस खेलका लागि धेरै उत्साही छैन । मेरा खेलाडीहरुले पनि यही महशुस गरिरहेका छन् भन्ने लाग्छ ।’

लिभरपुल र बार्सिलोना दुवै टिम पाँचपटकका उपाधि विजेता हुन् । तर, बार्सिलोनाले ४ उपाधि पछिल्लो १३ वर्षमा जितेको छ भने लिभरपुलले आधुनिक लिग सुरु भएपछि दुईपल्ट मात्र जितेको छ ।

Post Comment

This site uses Akismet to reduce spam. Learn how your comment data is processed.