भर्खरै

प्रचण्डले महरालाई दिए कार्यवाहक प्रधानमन्त्रीको जिम्मेवारी

प्रधानमन्त्री पुष्पकमल दाहाल सातदिने भ्रमणका लागि आज (बिहीबार) चीन जाँदै छन् । प्रधानमन्त्री प्रचण्ड आज राति ११ बजे त्रिभुवन अन्तराष्ट्रिय विमानस्थलबाट चीनतर्फ उड्ने कार्यक्रम छ ।

प्रधानमन्त्री चीन भ्रमणमा रहने भएकोले कार्यवाहक प्रधानमन्त्री को बन्ने भन्ने विवाद थियो । प्रमुख सत्तारुढ दल नेपाली काँग्रेसबाट उपप्रधान् एवम् गृहमन्त्री बनेका विमलेन्द्र निधि र राप्रपाबाट उपप्रधान् एवम् संघीय मामिला तथा स्थानीय विकास मन्त्री बनेका कमल थापावीच वरियताक्रममा विवाद उत्पन्न भएपछि प्रधानमन्त्री दाहाललेपनि कार्यवाहकको जिम्मेवारी कसलाई सुम्पिने भनेर निर्णय गर्न सकेका थिएन् । तर उनले आजमात्रै वरियताक्रममा तेस्रो नम्बरमा रहेका माओवादी केन्द्रबाट उपप्रधान एवम् अर्थमन्त्री बनेका कृष्णबहादुर महरालाई कार्यवाहक प्रधानमन्त्रीको जिम्मेवारी सुम्पिएका छन्।
महरा निधि र थापाभन्दा अघि नै नेपालको उपप्रधानमन्त्री बनिसकेकोले उनलाई नै कार्यवाहक प्रधानमन्त्रीको जिम्मेवारी प्रधानमन्त्री दाहालले तोकेका हुन्।
देउवाले पनि निधिलाई नै कार्यवाहक प्रधानमन्त्री दिनुपर्छ भनेर जोड गरेनन् । प्रधानमन्त्री दाहालले पनि देउवाको राय लिनको लागि पटक पटक आग्रह गरेका थिए। तर देउवा पछिल्लो समय निधिसँग रुष्ट बनेका छन् । उनले पनि निधिलाई नै कार्यवाहक प्रधानमन्त्रीको जिम्मेवारी दिनुपर्छ भनेर प्रधानमन्त्रीसँग कुनै आग्रह गरेनन् ।
प्रधानमन्त्रीले महरालाई कार्यवाहक प्रधानमन्त्रीको जिम्मेवारी तोकेपछि निधि यतिवेला रुष्ट बनेका छन्। यसबारेमा उनले प्रधानमन्त्री तथा सभापति देउवालाई नै चूनौति दिएका छन्।

Post Comment

This site uses Akismet to reduce spam. Learn how your comment data is processed.