भर्खरै

भारतीय जनता पार्टीको ‘आरएसएस’ जस्तै राप्रपाको ‘नेपाल धर्म तथा संस्कृति’ संगठन

राष्ट्रिय प्रजातन्त्र पार्टीले सनातन धर्मको रक्षाका लागि भ्रातृसंगठनको रुपमा ‘नेपाल धर्म तथा संस्कृति’ संगठन गठन गर्ने निर्णय गरेको छ ।

राप्रपाको तीन दिनसम्म राजधानीमा चलेको केन्द्रीय कार्यसमितिको बैठकले नयाँ भ्रातृसंगठन गठन गर्ने निर्णय गरेको हो । राप्रपाले यो संगठनलाई सबै स्थानीय तहमा विस्तार गर्ने जनाएको छ ।

बैठकपछि गरिएको पत्रकार सम्मेलनमा पार्टी अध्यक्ष कमल थापाले प्रदेश नम्बर–२ मा बुद्धिमान तामाङको नेतृत्वमा स्थानीय तह निर्वाचन परिचालन उच्चस्तरीय समिति गठन गर्ने निर्णय भएको जानकारी दिए ।

बैठकले मतपत्रमा हलगोरु भएको उम्मेदवारबिनाको चुनाव चिह्न भएकाले त्यसलाई हटाउन निर्वाचन आयोगसँग माग गर्ने निर्णयसमेत गरेको छ ।

सरकारमा सहभागी हुने या नहुने भन्नेबारे भने बैठकले ठोस निर्णय गर्न सकेन । यसबारेको निर्णय गर्ने जिम्मा केन्द्रीय कार्यसम्पादन समितिलाई दिइएको अध्यक्ष थापाले जानकारी दिए ।

बैठकले राजसंस्थासहितको लोकतन्त्र, हिन्दूराज्य पुनःस्थापना र भ्रष्टाचारविरुद्धको अभियानलाई अघि बढाउने निर्णय पनि गरेको छ ।

 

Post Comment

This site uses Akismet to reduce spam. Learn how your comment data is processed.