भर्खरै

‘र’ को एजेण्ट भन्दै अपहरण गर्ने चेतावनी सहित फिरौतीको रकम मागेका चारजना पक्राउ

चितवनको रत्ननगरका उद्योगपति तथा व्यवसायीलाई ‘र’ को एजेण्ड बनेर अपहरणको योजना बनाइरहेको बेला प्रहरीले चारजनालाई पक्राउ ‘र’ को एजेण्ट भन्दै अपहरण गर्ने चेतावनी सहित फिरौतीको रकम मागेका गरेको छ । उनीहरुले एसएमएस र फोनबाट फिरौतीको रकम मागेर धम्क्याएपछि अपहरणको मुख्य योजनाकार सहितलाई पक्रेर बुधबार सार्वजनिक गरेको हो । पक्राउ पर्नेमा सशस्त्र प्रहरीको जागिरबाट भागेर बसेका सिपाही समेत छन् ।

मुख्य योजनाकार भनिएका धादिङ ज्वालामुखी गाउँपालिका २ का इश्वर बस्नेत र उनका तीन जना सहयोगीलाई प्रहरीले पक्राउ गरेको हो । बस्नेत २०६४ बैसाखमा सशस्त्र प्रहरी बल सानो गौचर काठमाडौंमा भर्ना भई करिब ४ वर्ष जागिर गरी २०६८ असोजमा भागेर बसेका हुन् । उनी सहित धादिङकै रामकृष्ण श्रेष्ठ, रोशन बस्नेत र मनोज श्रेष्ठ पक्राउ परेका हुन् ।

उनीहरुले रत्ननगरका व्यापारीलाई फोनबाट ५० लाख फिरौती रकम माग गरेको र नदिए ज्यान मार्ने धम्की दिएको जिल्ला प्रहरी प्रमुख एसपी दिपक थापाले बताए । चारैजना धादिङबाट चितवनको सौराहा, मकवानपुरको दामन हुँदै काठमाडौं पुगेका थिए । ‘उनीहरुले ठाउँ/ठाउँबाट मोबाइलको सिम परिवर्तन गरी धम्क्याएको पाइयो,’ एसपी थापाले भने, ‘पीडितको गोपनियतालाई ख्याल राख्दै सिमित जनशक्ति र प्रविधिको परिचालन गरि गोप्य रुपमा मुख्य योजनाकार सहितलाई पक्राउ गर्न सफल भयौं ।’

चारैजनालाई मध्ये क्षेत्रीय प्रहरी कार्यालय हेटौंडाको क्षेत्रीय अनुसन्धान टोली, महानगरीय अपराध महाशाखा र जिल्ला प्रहरी चितवनको विशेष टोलीले काठमाडौंको नयाँ बसपार्कको सिस्नेरी गेष्ट हाउसबाट साउन ९ गते सोमबार पक्राउ गरेको हो ।

उनीहरुले पीडितलाई दाङको व्यापारी जस्तै हत्या गर्ने भन्दै पटक/पटक फोनबाट फिरौतीको रकम मागेका थिए । त्यसपछि उनी प्रहरीका कहाँ पुगी अपहरणकारीको धम्की र फोन एसएमएसका बारेमा जानकारी गराएका थिए । चारैजनाले ‘र’ को एजेण्ट भन्दै अपहरण गर्ने चेतावनी सहित फिरौतीको रकम मागेका थिए ।

 

Post Comment

This site uses Akismet to reduce spam. Learn how your comment data is processed.