राजनीति

मोर्चाबाट सिकेराउतलाई सघाउदै महन्थ ठाकुर

काठमाडौं ।स्वतन्त्र मधेस गठबन्धनका संयोजक डा. सीके राउत जनकपुरधामबाट पछिल्लो समय पक्राउ परेपछि अहिले प्रहरी हिरासतमै बस्दै आएका छन् ।

अर्कातर्फ संयुक्त लोकतान्त्रिक मधेसी मोर्चाले पनि राउतको रिहाइको माग गर्दै आएको छ । देश टुक्र्याउने माग राखेका कारण उनलाई प्रहरीले पक्राउ गरेको हो । प्राप्त तथ्यांकअनुसार पहिलो मधेस आन्दोलनका प्रथम सहिद रमेश महतोको सम्झना प्रत्येक वर्ष माघ ७ गते बलिदानी दिवस मनाइँदै आएको छ । उक्त अवसरमा राउतले लाहानमा शक्ति प्रदर्शन गरेका थिए । राउतको कार्यक्रमस्थल नजिकै मधेसी मोर्चाले आयोजना गरेको सभा लगभग शून्य थियो । संघीय समाजवादी फोरमका अध्यक्ष उपेन्दै यादव सभा नै छाडेर हिंडे ।
मधेसी मोर्चाका नेतामध्ये तरार्इ–मधेस लोकतान्त्रिक पार्टीका अध्यक्ष महन्थ ठाकुर र राउतबीच घनिष्ठ सम्बन्ध रहेको स्रोतले बताएको छ । स्वतन्त्र मधेसको स्थापना गर्दा पनि ठाकुरसँग राउतले छलफल गरेका थिए । राउतले लेखेको ‘मधेसका इतिहास’ पुस्तक लेखनका क्रममा पनि ठाकुरले सहयोग गरेका थिए । स्रोतहरु भन्छन् ‘पछिल्लो समय पनि राउतले ठाकुरलाई निकै सम्मान गर्छन् ।
पक्राउ पर्नुअघि काठमाण्डु आउँदा ठाकुरसँग उनले गोप्य रुपमा पटकपटक छलफल पनि गरेका थिए ।’ मधेसी जनअधिकार फोरम गणतान्त्रिकका अध्यक्ष राजकिशोर यादवले राउतलाई निकै नजिकबाट नियाल्दै आएका छन् । कुनै बेला उनी राउतकै एजेण्डामा मधेस जान सक्ने आंकलन गर्छन् ।

Post Comment

This site uses Akismet to reduce spam. Learn how your comment data is processed.