समाज

पत्रकार कोइरालाले तीन बर्षदेखि लगातार बालिका बलात्कार गरिरहेको पुष्टि

पत्रकार केदार कोइरालाले १५ बर्षिया बालिकालाई तीन बर्षदेखि लगातर बलात्कार गरिरहेको पुष्टि भएको छ । आफ्नै घरमा काम गर्ने बालिकालाई उनले तीन बर्षदेखि लगातार बलात्कार गरिरहेको पुष्टि भएको हो । बलात्कार गरेको अरोपमा पत्रकार कोइराला पक्राउ परि सकेका छन् ।

काठमाडौं महानगरपालिका ३१ ओम शान्ति चोकमा बस्ने ४५ वर्षीय केदार कोइरालालाई १३ जेठमा प्रहरीले पक्राउ गरेको थियो । उनीमाथि आफ्नै घरमा काम गरी बस्ने १५ वर्षीया बालिकालाई जबरजस्ती करणी गरेको अभियोग लागेको छ । उनले अन्तिम पटक फागुन ११ गते बिहान साढे ११ बजे कोही नभएका बेला बालिकामाथि बलात्कार गरेका थिए ।

त्यही बलात्कारबाट बालिका गर्भवति भएपछि त्यसको तीन महिनापछि मात्रै घटना बाहिर आएको हो । प्रहरीको अनुसन्धानबाट पुष्टि भएकाले अब कारवाहीको प्रक्रिया अगाडी बढ्ने स्रोतले बताएको छ । १० कक्षामा अध्यनरत छात्राका भाईले स्कूलमा जानकारी गराएपछि घटना बाहिर आएको हो । पीडित बालिकाले आफ्ना नातेदार र सिविन नामक संस्थामार्फत महानगरीय प्रहरी बृत्त बानेश्वरमा जाहेरी दरखास्त दिएपछि कोइरालालाई पक्राउ गरिएको हो ।

बालिकाले बयानका क्रममा उनले सुरुमा जर्बजस्ती गरेको र पछि त्रासमा राखेर लगातार गर्ने गरेको प्रहरीलाई बयान दिएकी छन् । ‘कोइरालाले बलात्कार गरेको सबै अनुसन्धानबाट पुष्टि भएको छ’ एक प्रहरीका अधिकारीले नेपालपाटीलाई भने, ‘अब कानुन अनुसार कारवाही प्रक्रिया अगाडी बढ्छ । अदालतको आदेशसँगै उनी जेल जाने निश्चित छ ।’

Post Comment

This site uses Akismet to reduce spam. Learn how your comment data is processed.