समाज

पन्ध्र दिने सिपमूलक व्यवसायीक तालिम सुरु

महिलाहरुलाई सिप सिकाएर आत्मनिर्भर बनाउने उद्देश्यसहित पन्ध्र दिने सिपमुलक व्यवसायीक तालिम सुरु भएको छ । लायन्स क्लब अफ पोखरा, गण्डकी तथा पोखरा वुमेन हेन्डीक्राफ्ट डेभ्लबमेन्ट सेन्टरको संयुक्त आयोजनामा तालिम सुरु भएको हो ।

उक्त तालिमको उद्धाटन सोमबार एक कार्यक्रमका बीच लायन्स क्लब इन्टरनेशनल डिष्ट्रिक्ट ३२५ बि १ का पिएमसिसि ला दिपक श्रेष्ठले गर्नुभएको हो । कार्यक्रममा बोल्दै श्रेष्ठले सिकेको सिपलाई व्यवहारमा उतार्न उपस्थित प्रशिक्षार्थीहरुलाई आग्रह गर्नुभयो । सामान उत्पादन संगै विक्री गरेर वा पद्मावती हस्तकला उद्योगसगँ सहकार्य गरी उद्यमशीलतामा अगाडि बढ्न सकिने उहाँले बताउनुभयो ।

कार्यक्रममा लायन्स क्लब अफ पोखरा, गण्डकी २०१९।२० का अध्यक्ष ला हिरा भट्टराईले महिला शसतिकरणका लागि आर्थिक समृद्दि, आजको आवश्यकता भन्ने नारालाई आत्मसाथ गर्दै क्लब सदैव सेवामुलक काममा अघि बढीरहेको बताउनुभयो । उहाँले घरमा नै उपलब्ध हुने साधन स्रोतलाई प्रयोग गरेर सामान उत्पादन गर्न सकिने भन्दै नेपाली घरेलु सामानलाई बजारीकरण गर्नका निम्ति सम्भावना बोकेको सिप रहेको बताउनुभयो ।

सोही अवसरमा जोन चियर पर्सन ला सिता के.सी, कलस्टर १७ कलस्टर प्रमुख ला बसन्त गिरी, डेप्युटी चिफ एडभाइजर ला इन्दिरा बराल लगायतले आत्मनिर्भरका निम्ति सिप अपरिहार्य रहेको बताए ।

सो तालिममा वडा नं ९,६ र १४ मा रहेका २५ जना महिला एवं युवाहरुलाई पद्दमावती हस्तकला उद्योगमा कार्यरत प्रशिक्षक दव्य विष्णु उचै ठकुरी र हिरा कुवँरले प्रशिक्षण गर्नु हुनेछ ।
सो कार्यक्रममा क्लबका सदस्य ला. शान्ति पौडेलले स्वागत मन्तव्य राख्नु भएको थियो भने सचिव ला साधना चालिसेले कार्यक्रम संचालन गर्नुभएको थियो ।

Post Comment

This site uses Akismet to reduce spam. Learn how your comment data is processed.